Below is the official legal text reproduced for convenient reference inside CryptoLicense.ge. Our VASP analysis identifies how the document affects registration, operations or compliance; it does not replace or alter the legislation.
What this document covers
This amendment expands the VASP enforcement framework beyond monetary fines by adding supervisory measures and restrictions available to the National Bank of Georgia in the circumstances set out in the rule.
Why it matters for VASP work
A registered VASP should treat regulatory remediation, governance and operational restrictions as business-continuity issues. Enforcement exposure can affect management authority, remuneration, distributions, operations and ultimately registration status.
Official text
Georgian — official amendment text საქართველოს ეროვნული ბანკის პრეზიდენტის
ბრძანება №113/04
2025 წლის 1 მაისი
ქ. თბილისი
„ვირტუალური აქტივის მომსახურების პროვაიდერის და მისი ადმინისტრატორების მიმართ ფულადი
ჯარიმის ოდენობის განსაზღვრის, დაკისრებისა და აღსრულების წესის დამტკიცების თაობაზე“
საქართველოს ეროვნული ბანკის პრეზიდენტის 2024 წლის 29 მაისის №133/04 ბრძანებაში ცვლილების
შეტანის შესახებ
„საქართველოს ეროვნული ბანკის შესახებ“ საქართველოს ორგანული კანონის მე-15 მუხლის პირველი
პუნქტის „ზ“ ქვეპუნქტისა და „ნორმატიული აქტების შესახებ“ საქართველოს ორგანული კანონის მე-20
მუხლის მე-4 პუნქტის საფუძველზე, ვბრძანებ:
მუხლი 1
„ვირტუალური აქტივის მომსახურების პროვაიდერის და მისი ადმინისტრატორების მიმართ ფულადი
ჯარიმის ოდენობის განსაზღვრის, დაკისრებისა და აღსრულების წესის დამტკიცების თაობაზე“
საქართველოს ეროვნული ბანკის პრეზიდენტის 2024 წლის 29 მაისის №133/04 ბრძანებაში
(www.matsne.gov.ge, 31/05/2024; ს/კ: 220010000.18.011.016858) შეტანილ იქნეს შემდეგი ცვლილება:
1. ბრძანების პრეამბულა ჩამოყალიბდეს შემდეგი რედაქციით:
„„საქართველოს ეროვნული ბანკის შესახებ“ საქართველოს ორგანული კანონის მე-15 მუხლის პირველი
პუნქტის „ზ“ ქვეპუნქტის, ამავე ორგანული კანონის 48-ე მუხლის მე-3 პუნქტის და 525 მუხლის მე-6
პუნქტის, „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის 23-ე
მუხლის მე-2 პუნქტის შესაბამისად, ვბრძანებ:“;
2. ბრძანებით დამტკიცებული წესის მე-2 მუხლის შემდგომ დაემატოს შემდეგი შინაარსის მე-3 მუხლი:
„მუხლი 3. სხვა სანქციების გამოყენების წესი
1. ფულის გათეთრებისა და ტერორიზმის დაფინანსების აღკვეთის ხელშეწყობის მიმართულებით
დადგენილი მოთხოვნების შეუსრულებლობისთვის პროვაიდერის ან/და მისი ადმინისტრატორის
მიმართ ამ წესის მე-2 მუხლით განსაზღვრული ფულადი ჯარიმის დაკისრების შემდეგ, იმავე
მოთხოვნის შეუსრულებლობის შემთხვევაში, ეროვნული ბანკი უფლებამოსილია პროვაიდერის ან/და
მისი ადმინისტრატორის მიმართ გამოიყენოს შემდეგი სანქციები:
ა) პროვაიდერს გაუგზავნოს წერილობითი გაფრთხილება;
ბ) დააწესოს სპეციალური ღონისძიებები ან გამოსცეს ინსტრუქცია (მითითება) მოთხოვნით, რომ
პროვაიდერმა შეწყვიტოს და შემდგომ არ დაუშვას ესა თუ ის დარღვევა და ეროვნული ბანკის მიერ
განსაზღვრულ ვადაში მიიღოს დარღვევის აღმოსაფხვრელად აუცილებელი ზომები;
გ) პროვაიდერის ადმინისტრატორს შეუჩეროს ხელმოწერის უფლებამოსილება და მოითხოვოს მისი
თანამდებობიდან დროებით გადაყენება ან თანამდებობიდან განთავისუფლება;
დ) პროვაიდერს აუკრძალოს მოგების განაწილება, დივიდენდების დარიცხვა და გაცემა, შრომის
ანაზღაურების გაზრდა, პრემიებისა და სხვა, მსგავსი ანაზღაურების გაცემა;
ე) პროვაიდერს შეუწყვიტოს ან შეუზღუდოს გარკვეული ტიპის ოპერაციები;
ვ) პროვაიდერს გაუუქმოს რეგისტრაცია.
2. ფულის გათეთრებისა და ტერორიზმის დაფინანსების აღკვეთის ხელშეწყობის მიმართულებით ამ
წესის მე-2 მუხლით გათვალისწინებული დარღვევების გამოვლენისას, დარღვევისა და არსებული თუ
შესაძლო რისკის სერიოზულობიდან გამომდინარე, ეროვნული ბანკი უფლებამოსილია, პროვაიდერის
ან/და მისი ადმინისტრატორის მიმართ ფულადი ჯარიმის დაკისრების ნაცვლად გამოიყენოს ამ
მუხლის პირველი პუნქტით განსაზღვრული სანქციები.“.
მუხლი 2
ეს ბრძანება ამოქმედდეს გამოქვეყნებისთანავე.
http://www.matsne.gov.ge 22001000018011016927
საქართველოს ეროვნული ბანკის
ნათელა თურნავა
პრეზიდენტი
http://www.matsne.gov.ge 22001000018011016927
Legislative Herald of Georgia (Matsne)
The legal text is reproduced here for practical reference in connection with Georgian VASP registration and compliance work. The Legislative Herald of Georgia (Matsne) is the official publication source. For any live matter, the current consolidated text and subsequent official amendments must be verified.
View the official document on Matsne